Калькутта (Индия Республикасы) аэропортуна Нха-Чанг-Бишкек каттамындагы учактын техникалык конушуна байланыштуу Кыргызстандын Тышкы иштер министрлиги төмөндөгүлөрдү билдирди.

«Эйр Номад» авиакомпаниясынын маалыматына караганда, конуу май куюу жана учуунун коопсуздугу үчүн ишке ашырылган.

Жүргүнчүлөр, анын ичинде Кыргыз Республикасынын 163 жараны мейманканага жайгаштырылып, эки маал тамак-аш жана алардын болушу үчүн бардык шарттар түзүлдү.

Авиакомпания кошумча учак бөлүп берди, анын Бишкекке учуусу ушул күнү кечинде пландаштырылган.