МОСКВА, 05-май, 2025-жыл — АА Кербен инфо.3-майда Москвада, КМШ Аткаруу комитетинин кеңсесинде Шериктештикке кирген өлкөлөрдүн жол куруучуларынын өкмөттөр аралык кеңешинин жыйыны өттү.

Иш-чаранын расмий ачылышы КМШнын Башкы катчысы Сергей Николаевич Лебедев менен Улуу Ата Мекендик согуштагы Жеңиштин 80 жылдыгына арналган VIII “Жеңиш жолдору менен” эл аралык автожүрүштүн катышуучуларынын жолугушуусу менен башталды.

Аскердик даңктын жолдору боюнча өтүп жаткан автожүрүш баатыр өткөндү эскерип, өлкөлөрдү жана муундарды бириктирет. Катышуучулар КМШ өлкөлөрүнүн ортосундагы автожол байланышын чыңдоонун маанилүүлүгүн белгилешти.

Кеңештин жыйынынын жүрүшүндө жол тармагын өнүктүрүүнүн негизги маселелери жана Шериктештиктин алкагында кызматташуунун келечеги талкууланды.

Сүрөт: IA Caravan Info