Дүйнөлүк банктын жазгы отчетуна ылайык, Европа жана Борбордук Азия (ЕКА) чөлкөмүндөгү өлкөлөр 2025-26-жылдары экономикалык өсүштүн олуттуу басаңдашына туш болушат. ИДПнын орточо өсүшү болжол менен 2,5%ды түзөт, бул он жылдын ичинде пандемияга чейинки 4% деңгээлинен кыйла төмөн.

Россияны эсепке албаганда да өсүш 3,3%ды түзөт – мурдагы көрсөткүчтөрдөн дагы төмөн. Серепчилер төмөндөөнүн негизги себептеринин бири катары тышкы суроо-талаптын алсырашы, айрыкча орус экономикасында уланып жаткан рецессиянын фонунда экенин айтышууда. Россиянын ИДПсы 2025-жылы 1,4% жана 2026-жылы 1,2% гана өсөт деп болжолдонууда. Басаңдашына структуралык чектөөлөр, санкциялардын басымы, жогорку пайыздык чендер жана энергияга дүйнөлүк баанын төмөндөшү таасир этет.

Жалпы төмөндөөнүн фонунда Борбордук Азия эң динамикалуу өнүгүп жаткан субрегион катары өзүнүн статусун сактап калат. Казакстан, Тажикстан жана Өзбекстандын ИДПсы 2025-жылы 4,5-6,5% өсөт деп күтүлүүдө.

Түштүк Кавказдагы өсүш 3,6%га чейин басаңдайт, ага Азербайжанда мунай өндүрүүнүн азайышы жана акча которуулардын турукташтырылышы жардам берди. Чыгыш Европада Белоруссия боюнча божомол 2,2% чейин жакшыртылса, Молдовада 0,9% чейин төмөндөтүлгөн.

Дүйнөлүк банктын эксперттери аймактагы туруктуу калыбына келтирүү структуралык реформаларды активдештирүүнү, бизнес климатты жакшыртууну жана адам капиталына инвестициялоону талап кылаарын баса белгилешет.