Prezident Sadir Japarov bugun, 5-may kuni Qirg‘iziston xalqini Qirg‘iziston Respublikasi Konstitutsiyasi kuni bilan tabrikladi.

Davlat rahbarining tabriklari:

“Hurmatli Qirg‘iziston xalqi!

Sizlarni Qirg'iziston Respublikasi Konstitutsiyasi kuni bilan chin qalbimdan tabriklayman!

5-may nafaqat Konstitutsiyamiz qabul qilingan kun, balki hamisha adolat tarafdori bo‘lgan xalqimizning yuksak ma’naviyatini, yorug‘ kelajakka mustahkam ishonchimizni eslatuvchi muhim kundir.

Ma’lumki, Konstitutsiya oddiy moddalar majmuasi emas, balki xalqimizning dunyoqarashi va tafakkurini aks ettiruvchi, ayni paytda qudratli, obod Qirg‘iziston kelajagini belgilab beruvchi asosiy hujjatdir.

Bugun biz Konstitutsiyamizdan ruhlanib, xoh boshqaruv, xoh iqtisodiyot, xoh fuqarolarimizni qo‘llab-quvvatlash bo‘lsin, barcha sohalarda yangicha yondashuvlarni joriy etgan holda yangi bilim, ilg‘or texnologiya va tajribaga intilamiz. Demak, biz aniq, dadil, to‘g‘ri va munosib yo‘ldan ketyapmiz.

Qirg‘iziston xalqi o‘zgarishlardan qo‘rqmaydigan, o‘ziga va yurtiga ishongan barakali xalq! Xalqimizning ko‘p asrlik tarixi, boy madaniyati va qadriyatlarini hech qachon unutmaymiz.

Bugun esa qaysi yo‘ldan borishni bilamiz, mamlakatimiz taraqqiyotiga ishonamiz.

Hurmatli vatandoshlar!

Yana bir bor Qirg'iziston Respublikasi Konstitutsiyasi kuni bilan tabriklayman.

Konstitutsiya kuni adolatli va farovon Qirg‘izistonni barpo etishda har bir qadam va har bir qaror muhimligini doimo eslatib tursin.

Konstitutsiyamiz doimo qarorlarimizga asos bo‘lsin.

Davlatimiz mustahkamlanib, xalqning hukumatga ishonchi ortib, Qirg‘iziston yangi marralar sari dadil qadam tashlasin!”