Душанбе, 5-май – «Караван Инфо» МА.Экинчи дүйнөлүк согуштагы Жеңиштин 80 жылдыгына карата КМШнын маалымат кеңеши «Улуу Жеңиш» аттуу масштабдуу сүрөт көргөзмөсүн тартуулады. Шериктештикке кирген өлкөлөрдүн мамлекеттик маалымат агенттиктери биргелешип түзгөн көргөзмө дүйнөнү фашизмден бошотуу үчүн күрөшкөн элдердин эрдигин, азабын жана салтанатын эске салып турду.

Фотодолбоор 1941-жылдан 1945-жылга чейинки негизги этаптарды камтыйт: фронттогу күнүмдүк турмуш, тылдагы жан аябас эмгек, карапайым калктын, өзгөчө балдардын азап чеккени, муундарды бириктирген эскерүүнүн салтанаттуу учурлары. Архивдик жана заманбап материалдар КМШ өлкөлөрүнүн маалымат агенттиктеринин интернет булактарында жеткиликтүү.

Көргөзмөдө фронттогу жоокерлердин, тылдын эмгекчиле-ринин уникалдуу сүрөттөрү, ардагерлер согуштук жолдошторун эскерген мемориалдар, заманбап эскерүү иш-чараларынын жаш катышуучулары коюлган. Баатырлардын жүзүндө тарыхтын чындыгы, келечекке өмүр, эркиндик берген муундардын рухунун күчү.

КМШнын Маалыматтык кеңеши 1995-жылы түзүлгөн, анын курамына Азербайжандын, Армениянын, Беларустун, Казакстандын, Кыргызстандын, Молдованын, Россиянын жана Тажикстандын мамлекеттик маалымат агенттиктеринин жетекчилери кирет.

Жолугушууларга Түркмөнстан менен Өзбекстандын өкүлдөрү да катышууда. Кеңеш КМШ мейкиндигинде медиа өнөктөштүктү, кесипкөй өз ара аракеттенүүнү жана ишенимдүү маалымат менен эркин алмашууну чыңдоого көмөктөшөт.

СУРОТТв: КМШнын информациялык кенеши