5 мамырда Астанада Президент Қасым-Жомарт Тоқаев Қазақстанға мемлекеттік сапармен келген Вьетнам Коммунистік партиясы Орталық Комитетінің Бас хатшысы То Ламмен жеке кездесті.

Ақорданың хабарлауынша, сапар аясында шағын және кеңейтілген құрамдағы екіжақты келіссөздер, сондай-ақ бірқатар негізгі құжаттарға қол қою қарастырылған. Әуежайда екі ел басшыларының қысқаша әңгімесі өтті.

Сіздерді мемлекетіміздің астанасында көргеніме өте қуаныштымын. Сіздің сапарыңыз тарихи сипатқа ие және Қазақстан мен бауырлас Вьетнам арасындағы ынтымақтастыққа жаңа серпін беретіні сөзсіз.
— деп атап өтті Тоқаев.

Жауап ретінде То Лам Президентке жылы қабылдауы үшін алғысын білдірді: Сіздің ұшақ баспалдақтарында болуыңыз біз үшін және бүкіл Вьетнам халқы үшін үлкен құрмет және қонақжайлылықтың белгісі. Қазақстан мен Вьетнамның ежелден келе жатқан достығы бар

Фото: Ашық дереккөздер