Кыргызстандын президенти Садыр Жапаров Индия менен Пакистандын ортосундагы чыңалуунун курчушуна тынчсыздануусун билдирди.

Мамлекет башчысы социалдык тармактагы баракчасына билдирүү жарыялады, анда:

«Биз Шанхай кызматташтык уюмуна мүчө болгон дос өлкөлөр – Индия менен Пакистандын ортосундагы чыңалуунун курчушуна терең тынчсызданабыз.

Биз эки тарапты максималдуу сабырдуулукка, чыр-чатактын мындан ары курчушуна жол бербөөгө жана тынчтык жолу менен жөнгө салуу үчүн сүйлөшүүлөргө кайтууга чакырабыз.

Кыргыз Республикасы туруктуулукту, коопсуздукту жана эл аралык укукту сыйлоону жактайт”.