Qirg‘iziston prezidenti Sadir Japarov Hindiston va Pokiston o‘rtasidagi munosabatlar keskinlashganidan xavotir bildirdi.

Davlat rahbari o‘zining ijtimoiy tarmoqdagi sahifasida quyidagi so‘zlarni e’lon qildi:

“Biz Shanxay hamkorlik tashkilotiga aʼzo boʻlgan doʻst davlatlar – Hindiston va Pokiston oʻrtasidagi ziddiyat kuchayib borayotganidan chuqur xavotir bildiramiz.

Biz har ikki tomonni maksimal darajada vazminlikka, mojaroning yanada kuchayishiga yo‘l qo‘ymaslikka va tinch yo‘l bilan hal qilish bo‘yicha muzokaralarga qaytishga chaqiramiz.

Qirg‘iziston Respublikasi barqarorlik, xavfsizlik va xalqaro huquqni hurmat qilish tarafdori”.