Bugun, 9-may kuni Qirg‘iziston Respublikasi Prezidenti Sadir Japarov yangi Rim papasi Leo XIVni butun katolik cherkovi rahbari etib saylangani bilan Qirg‘iziston xalqi va shaxsan o‘z nomidan tabrikladi.

“Sizning Rim papasi sifatidagi xizmatingiz xalqaro tinchlik va adolatni mustahkamlash, shuningdek, jahon dinlari oʻrtasidagi muloqotni rivojlantirish va umuminsoniy qadriyatlarni targʻib etishda katta ahamiyatga ega.

Qirg‘iziston Vatikan bilan o‘rnatilgan do‘stona munosabatlarni yuksak qadrlaydi va o‘zaro tushunish, hurmat va umuminsoniy tinchlikka intilish tamoyillari asosidagi hamkorlikni davom ettirishga tayyorligini bildiradi.

“Sizga mustahkam sog‘lik, farovonlik va insoniyatga xizmat qilishda kuch-quvvat tilayman”, — deyiladi Prezident Sadir Japarovning tabrik telegrammasida.