Бүгүн, 11-майда 1941-1945-жылдардагы Улуу Ата Мекендик согуштагы совет элинин Жеңишинин 80 жылдыгына арналган аскердик парадга катышып, Кыргыз Республикасынын Куралдуу күчтөрүнүн аскердик контингенти кайтып келди.

Кыргызстандын Куралдуу Күчтөрүн Кыргыз Республикасынын Куралдуу Күчтөрүнүн Улуттук гвардиясынын Ардак кароолунун ротасы татыктуу көрсөттү.

Гвардиячылар жогорку машыгууга даярдыгын, чеберчилигин жана жендемдуулугун керсетушуп, параддын командованиесинин кызматкерлеринен да, елкебуздун аскердик-саясий жетекчилигинен да жакшы пикирлерди алышты.

Аскердик контингентибизди тосуп алуу иш-чарасына Кыргыз Республикасынын Улуттук гвардиясынын командачысы гвардиянын полковниги Талантбек Эргешов катышты.

Ардактуу кароол ротасынын өздүк курамын 1941-1945-жылдардагы Улуу Ата Мекендик согуштагы совет элинин Жеңишинин 80 жылдыгына арналган аскердик парадга ийгиликтүү катышкандыгы менен куттуктап, гвардиянын полковниги Т.Эргешов «Силер татыктуу түрдө биздин өлкөнүн Куралдуу күчтөрүнүн эң мыкты бөлүктөрүнүн бирисиңер. жогорку аскердик чеберчиликти жана биздин Куралдуу Күчтөрдү татыктуу көрсөтүштү…».

Чакан митингден кийин өздүк курам туруктуу жайгаша турган жерине жөнөштү.

Андан соң кароолчулар 1941-1945-жылдардагы Улуу Ата Мекендик согуштагы совет элинин Жеңишинин 80 жылдыгына карата Беларусь Республикасынын Минск шаарында өткөн аскердик парадга катышкан аскер кызматкерлерин да тосуп алышты.