Ыстамбұл әуежайында ұсталған қырғыз мұғалімі Азамат Нұрмат уулу тұрғылықты жерінен шықпау шартымен үйқамаққа шығарылды. Бұл туралы ұстаздың өзі хабарлап, сот отырысының күні алдағы уақытта белгіленетінін айтты.

Ол Түркия аумағында ешқандай заңсыз әрекет жасамағанын және сотта өзінің кінәсіздігін дәлелдеуге ниетті екенін баса айтты.

Ыстамбұлдағы Қырғыз Республикасының Бас консулдығы мен адвокат құқықтық қолдау көрсетуді жалғастыруда. Бұл мәселе Қырғызстан Сыртқы істер министрлігінің ерекше бақылауында.

Еске салайық, 2025 жылдың 20 сәуірінде «Маариф» қорының Қ.Қарасаев атындағы лицейінің математика пәнінің мұғалімі Азамат Нұрматұлы халықаралық олимпиадаға аттанған мектеп оқушылары делегациясымен бірге Анталияға транзитпен бара жатқанда Ыстамбұл әуежайында ұсталған болатын.

Қырғызстан Сыртқы істер министрлігінің хабарлауынша, қамауға алуға Түркияда террористік ұйым деп танылған «Хизмет» қозғалысымен байланысы бар деген күдік себеп болған.

Делегацияның қалған мүшелері – 36 оқушы, 4 ата-ана және 3 мұғалім – 25 сәуірде Қырғызстанға аман-есен оралды.