Учурда республиканын көпчүлүк аймактарында жазгы талаа иштери кызуу уланып жатканын Айыл чарба министрлиги билдирди.

Бүгүнкү күндө 562,1 миң га аянтка себүү жана айдоо иштери жүргүзүлдү, бул айдоо аянттарынын жалпы структурасынын 80,6%ын түзөт.

Анын ичинде:

• Буудай – 97,4 миң га эгилип, пландын 94,7%ын түздү. Былтыркы жылдын ушул мезгилине салыштырмалуу 5,0 миң гектарга көбөйгөн.
• Арпа – 202,2 миң га, же белгиленген аянттын 83,8%ы себилди. Бул өткөн жылдын ушул мезгилине салыштырмалуу 1,7 миң гектарга көп. Маалым болгондой, 2025-жылы 241,3 миң гектар аянтка жаздык арпа себүү пландаштырылууда.
• Жүгөрү – 92,3 миң га эгилип, пландын 85,5%ын түзөт.
• Картошка 44,0 миң гектар аянтка эгилген, бул өткөн жылдын ушул мезгилине салыштырмалуу 4,2 миң гектарга көп. 2025-жылга планга ылайык, республика боюнча 66,4 миң гектар аянтка картошка айдоо күтүлүүдө.
• 39,4 миң гектар аянтка жашылча эгилген, бул өткөн жылга салыштырмалуу 4,0 миң гектарга көп.
• 8,3 миң гектарга бак-дарбыз эгилген, бул өткөн жылга салыштырмалуу 1,23 миң гектарга көп.
• 12,1 миң гектарга май өсүмдүктөрү себилип, пландын 71,1%ын түздү.
• Кант кызылчасы Чүй жана Талас облустарында 12,54 миң гектар аянтка себилген, бул өткөн жылдын ушул мезгилине салыштырмалуу 1,1 миң гектарга көп.

Министрлик жазгы талаа жумуштарын өз убагында жана сапаттуу өткөрүү үчүн бардык агротехникалык чараларды көрүп, такай көзөмөл жүргүзүп, заманбап технологияларды ишке киргизүүгө өзгөчө көңүл бурат.