Жалал-Абад облусунда кичи Каракөл ГЭСинин курулушу тездик менен жүрүп жатканын Энергетика министрлигинин басма сөз кызматы билдирди.

Объект Кара-Суу дарыясына курулуп жатат жана кубаттуулугу 18 МВт, жылына орточо 110 млн кВт саатка өндүрүлөт.

Курулушту аяктоо 2026-жылдын биринчи кварталына пландалып, бүгүнкү күндө объекттин курулушка даярдыгы 60%ды түзөт. Башкы подрядчик жана инвестор катары «Жагалмай» ЖЧКсы иш алып барууда.

Учурда төмөнкү иштер жүргүзүлүүдө:

Негизги суу алуучу курулуштун курулушу аяктады – 2905 м³ темир-бетон төшөлдү.

Ачык бөлүштүрүүчү түзүлүш (ОСГ) үчүн жер даярдалып, трансформатор орнотулду. Калган тетиктерди орнотуу иштери жүрүп жатат.

ГЭСтин имаратына 4683,1 м³ темир-бетон төшөлгөн. Блокторду бетондоп жатышат.

Басым түтүгүн куруу жигердүү жүрүп жатат: жалпысынан 2222,54 м³ темир-бетон төшөлдү, басымдуу суу түтүктөрүнүн чуңкуру 95%га бүткөрүлдү.

Чакан ГЭС аймакты ишенимдүү энергия менен камсыздоону камсыздап, өлкөдө кайра жаралуучу энергетиканы өнүктүрүүгө да салым кошот.