Ташкент, 2025 жыл, 15 мамыр – Караван Инфо ақпараттық агенттігі.Ташкентте Қазақстан, Қырғызстан, Тәжікстан және Өзбекстандағы жастармен жұмыс істейтін мемлекеттік қызметкерлер үшін ЕҚЫҰ ұйымдастырған аймақтық оқыту курсы басталды. Бұл шараға Қазақстан атынан Мәдениет және ақпарат, Ішкі істер, Еңбек және халықты әлеуметтік қорғау, Білім министрліктерінің мамандары қатысуда.

Тренингтің негізгі мақсаты – жастар арасындағы құқық бұзушылықтың алдын алу саласында ашық диалог пен озық тәжірибемен белсенді алмасу үшін тиімді алаң құру. Ұйымдастырушылар бұл тренинг жастар арасында заңдылық мәдениетін насихаттауда Орталық Азия елдері арасындағы ынтымақтастықты одан әрі нығайтуға ықпал етеді деп үміттенеді.

Тренингке қатысушылар қылмыстық әрекетке тартылу және тартылу қаупі бар жастарды анықтау бойынша білімдері мен дағдыларын кеңейтуге мүмкіндік алады. Тренинг форматы интерактивті пікірталастарды, танымдық презентацияларды және сарапшылық бастамаларды, сондай-ақ жастар арасындағы қылмыстың алдын алудың тиімді үлгілерін әзірлеуге бағытталған практикалық жаттығуларды қамтиды.

Фото: ҚР Мәдениет және ақпарат министрлігінің баспасөз қызметі