Эл аралык “IP-Sharing” долбоорунун алкагында Кыргыз Республикасынын Министрлер Кабинетине караштуу Интеллектуалдык менчик жана инновациялар боюнча мамлекеттик кызматтын (Кыргызпатент) өкүлдөрү менен Кореянын Интеллектуалдык менчик боюнча ведомствосунун (КИПО) жана Кореянын ойлоп табууларды жайылтуу ассоциациясынын (KIPA) делегациясынын расмий жолугушуусу болуп өттү.

Жолугушуунун максаты – “Табигый минералдык глаукониттин негизинде оор металл иондорунан саркынды сууларды тазалоо үчүн эко-сорбент – туруктуу жашыл экономикага жол” долбоорунун учурдагы аткарылышын жана келечегин талкуулоо, ошондой эле илим, экология, инновация жана интеллектуалдык менчик сыяктуу стратегиялык маанилүү тармактарда кызматташууну өнүктүрүү.

Биргелешкен долбоордун негизги максаттары:

• агынды сууларды тазалоо үчүн глаукониттен жасалган инновациялык экосорбентти иштеп чыгуу;
• Оор металлдарды (Mn²⁺, Cu²⁺, Cd²⁺, Pb²⁺, Zn²⁺) чыгарууда анын натыйжалуулугун баалоо;
• Тазалоо технологиясын коммерциялаштыруу;
• Кыргыз Республикасында туруктуу жашыл чечимдерди ишке ашырууга көмөктөшүү.

Шилтеме:Кыргызпатент жана КИПО IP-Sharing программасынын алкагында долбоорлорду ийгиликтүү ишке ашырууда. Ийгиликтүү мисалдардын бири катары Кыргыз улуттук университетинде Инновациялык агротехнологиялар борбору менен биргеликте энергияны үнөмдөөчү эко-күнөскананын курулушун айтсак болот. Өнөктөштүк экология жана туруктуу өнүгүү чөйрөсүндө жаңы мүмкүнчүлүктөрдү ачып, өнүгүп келе жатат.