Кыргызстанда 2025-жылдын январь-март айларында орточо айлык номиналдык эмгек акы 40 миң 264 сомду түздү, деп билдирди Улуттук статистикалык комитет. Бул өткөн жылдын ушул мезгилине салыштырмалуу 18,3%га көп.

Улуттук статистикалык комитеттин жетекчисинин биринчи орун басары Назира Керималиеванын айтымында, эмгек акынын өсүшү кыймылсыз мүлк менен операциялар, курулуш, саламаттыкты сактоо, маалыматтык технологиялар, социалдык тейлөө, ресторан бизнеси, илимий-техникалык ишмердүүлүк жана камсыздандыруу сыяктуу тармактарда өзгөчө байкалууда.

Салыштыруу үчүн, 2024-жылдын январь-декабрында орточо айлык маяна 37 361 сомду түзгөн.