Бүгін, 17 мамырда Қырғызстан президенті Садыр Жапаров пен Қазақстан президенті Қасым-Жомарт Тоқаев телефон арқылы сөйлесті.

Әңгімелесу барысында Садыр Жапаров Қасым-Жомарт Тоқаевты туған күнімен құттықтап, оған зор денсаулық, бақ-береке және Қазақстан халқының игілігі жолындағы мемлекеттік қызметінде одан әрі табыс тіледі.

Мемлекет басшылары екі ел арасындағы одақтастық қарым-қатынастар мен стратегиялық әріптестікті одан әрі нығайтуға дайын екендіктерін қуаттап, өзара мүдделі барлық мәселелер бойынша екіжақты ынтымақтастықтың жоғары деңгейін атап өтті.