Buyuk Britaniyaga amaliy tashrifi doirasida Qirg‘iziston Respublikasi Vazirlar Mahkamasi Raisining birinchi o‘rinbosari Doniyor Amangeldiev Buyuk Britaniyaning Tashqi ishlar, Hamdo‘stlik va rivojlanish bo‘yicha Davlat kotibi Stiven Doti bilan uchrashdi.

Uchrashuvda tomonlar Qirgʻiziston-Britaniya hamkorligiga oid keng koʻlamli masalalarni muhokama qildilar. Siyosiy, savdo-iqtisodiy va sarmoyaviy sohalardagi o'zaro hamkorlikka alohida e'tibor qaratildi. Bundan tashqari, qishloq xoʻjaligi, mehnat migratsiyasi, taʼlim, energetika va logistika sohalarida hamkorlik masalalari muhokama qilindi.

Doniyor Amangeldiev Qirgʻiziston Respublikasining Buyuk Britaniya bilan oʻzaro manfaatli aloqalarni yanada chuqurlashtirish istagini taʼkidladi.

O‘z navbatida, Britaniya vaziri Londonning barcha sohalarda ikki tomonlama munosabatlarni yanada rivojlantirishdan manfaatdor ekanligini bildirdi.

Tomonlar Qirg‘iziston-Britaniya hamkorligini mustahkamlashga qaratilgan muloqot va qo‘shma qadamlarni davom ettirishga kelishib oldilar.