Qirgʻiziston va Saudiya Arabistoni oʻrtasida rasman Qoʻshma ishbilarmonlar kengashi tuzildi, deb xabar qildi Qirgʻiziston Respublikasi Savdo-sanoat palatasi matbuot xizmati.

Tashkilot maʼlumotlariga koʻra, Qirgʻiziston Respublikasi Savdo-sanoat palatasi prezidenti Temir Sariyev va Saudiya Arabistoni Savdo-sanoat palatasi raisi Hasan Moajeb Al-Xuvaysiy Qirgʻiziston-Saudiya ishbilarmonlar kengashini tashkil etish toʻgʻrisida shartnoma imzolagan.

“Bu qadam birinchi uchrashuvda boshlangan konstruktiv muloqot natijasi bo‘lib, hozirda u yuqori darajada rasmiylashtirildi”, — deyiladi xabarda.

Kengash energetika, qurilish, qishloq xoʻjaligi, sogʻliqni saqlash va turizm sohalarida qoʻshma loyihalarni amalga oshirish, savdoni kengaytirish va sarmoyalarni jalb qilish uchun asosiy platformaga aylanadi.