Суу чарба, айыл чарба жана кайра иштетүү министрлиги 2025-жылдын жазгы жана күзгү оруп-жыюу иштеринен кийин айдоо аянттарында кайрак түшүм үчүн тоют өсүмдүктөрүн өстүрүүнү сунуштоодо.

Бул өсүмдүктөргө жүгөрү (силос үчүн), сорго, соя жана малды тоюттандыруу үчүн колдонулуучу башка өсүмдүктөр кирет.

Бул чара республиканын мал чарба райондорунун малын кыш мезгилинде жашыл масса, чоп, сенаж жана силос менен камсыз кылууга багытталган.

Министрлик бул сунуш фермерлер үчүн кошумча киреше булагы болуп, мал чарбачылыгы үчүн тоют базасын чыңдоого жардам берерин белгилейт.