Орусиянын жаштар курамасы Өзбекстандан келген теңтуштары менен эки жолдоштук беттеш өткөрөрүн Орусиянын футбол союзу билдирди. Оюндар июнь айынын башына пландаштырылган.

Эки беттеш тең Фергана шаарындагы «Истиклол» стадионунда өтөт. Биринчи оюн 5-июнда болуп, Ташкент убактысы боюнча саат 18:00дө, экинчиси 8-июнда болуп, Ташкент убактысы боюнча 19:30да башталат. Бул беттештерге даярдануу үчүн 30 футболчу Россия командасынын кеңейтилген тизмесине киргизилген.

Белгилей кетсек, буга чейин Орусия менен Өзбекстандын жаштар курамалары беттешкен. 2023-жылдын сентябрь айында командалар эки беттеш өткөрүшкөн: биринчи оюн 3:3 эсебинде тең чыгуу менен аяктаса, экинчи жолугушууда орусиялыктар 2:0 эсебинде жеңишке жетишкен.