Экономика министри Бакыт Сыдыков Түркиянын Кыргызстандагы элчиси Мекин Мустафа Кемал Өкем менен жолугушту, деп билдирди ведомствонун басма сөз кызматы.

Алардын айтымында, баарлашуу учурунда Бакыт Сыдыков элчини Кыргызстандагы дипломатиялык миссиясынын башталышы менен куттуктап, мындай жооптуу кызматка дайындалышынын маанилүүлүгүн белгиледи. Тараптар эки тараптуу кызматташуунун негизги маселелерин талкуулашты.

Жолугушуунун жыйынтыгында тараптар буга чейин жетишилген макулдашууларды ишке ашыруу, ошондой эле биргелешкен демилгелерди илгерилетүү боюнча аракеттерди көрүүнү макулдашты.