Бишкектеги Карагачевая токоюнда 500 катышуучуну бириктирген «Баатыр жарышы» аттуу кызыктуу экстремалдык тоскоолдуктар жарышы болуп өттү.

Мэриянын басма сөз кызматы билдиргендей, мелдеш күчтүн, туруктуулуктун жана командалык духтун чыныгы сыноосу болуп калды.
Жарышка эл аралык мүнөз берген иш-чарага Казакстан менен Өзбекстандын спортчулары да катышты.
Жарыштын негизги максаты – Кыргызстанда сергек жашоо образын жайылтуу, массалык спортту өнүктүрүү жана тоскоолдуктар менен жарыштарды жайылтуу. Жарыш спорттук иш-чарага гана эмес, ошондой эле ондогон коллективдерди жана жуздеген жеке катышуучуларды активдуу физкультурага тартуу менен коомдук маанилуу окуяга айланды.
Уюштуруучулар – экстремалдык жеңил атлетика федерациясы жана Бишкек шаарынын мэриясынын Дене тарбия жана спорт, туризм жана жаштар башкармалыгы.
Бишкек шаарынын вице-мэри Виктория Мозгачева катышуучуларга куттуктоо сөзү менен кайрылып, аларга ийгилик каалап, мындай иш-чаралардын шаар үчүн маанилүүлүгүн белгиледи. Ошондой эле экстремалдык жеңил атлетика федерациясынын директору Аида Газиева сөз сүйлөп, катышуучуларга жана өнөктөштөргө ыраазычылык билдирди.
18 жаштан жогорку бардык кызыккан ышкыбоздорго катышууга уруксат берилди. Жарышка темендегулер катышты:
* 70 команда (ар бири 3 адам)
* 300 жеке катышуучулар
Баатырлар жарышынын таасирдүү өзгөчөлүгү болуп катышуучулар өздөрүнүн физикалык жана психикалык сапаттарын сынашкан тоскоолдуктар болду.
Тесттердин арасында:
* Тоскоолдуктар
* Тордун астында сойлоп
* Аркандан жасалган "Желе"
* "Эверест" (аркан менен альпинизм дубалы)
* Туннель жана башкалар.
Көптөгөн кыйынчылыктар күчтү гана эмес, командада иштөөнү жана бири-бирин колдоону талап кылды.
Иш-чаранын алкагында спорттук товарлардын, суусундуктардын жана тамак-аштын жарманкеси өттү.