Циндао, 29-май, 2025-жыл – Караван Инфо маалымат агенттиги.Кытайдын Циндао шаарында Шанхай Кызматташтык Уюмуна (ШКУ) мүчө мамлекеттердин электрондук соода боюнча атайын жумушчу тобунун 8-жыйыны болуп өттү. Иш-чарага Индия, Иран, Казакстан, Кытай, Тажикстан, Өзбекстандын өкүлдөрү, ошондой эле ШКУнун катчылыгынын кызматкерлери катышты. Онлайн форматтагы жолугушууга Кыргызстан менен Орусиянын эксперттери кошулду.

Жолугушуунун катышуучулары электрондук коммерция тармагындагы кызматташтыкты чыңдоо перспективаларын талкуулашты. Иш менен камсыз кылууну стимулдаштыруу жана аялдардын ишкердигин өнүктүрүүгө көмөк көрсөтүү боюнча алдыңкы тажрыйбаларды алмашууга өзгөчө көңүл бурулду. Ошондой эле электрондук соода тармагында аймактык кызматташтыкты түзүү аркылуу кичи жана орто бизнести интеграциялоо маселелери талкууланды.

Жолугушуунун жүрүшүндө тараптар тарабынан демилгеленген электрондук сооданы жөнгө салууга жана өнүктүрүүгө багытталган документтер боюнча консультациялар өткөрүлдү. Мындан тышкары, «Жибек жолундагы электрондук коммерция» презентациясы өтүп, анда аймактагы трансчек аралык электрондук сооданы өнүктүрүү потенциалы жана мүмкүнчүлүктөрү көрсөтүлдү.

Иш-чаранын алкагында расмий сессиялардан тышкары, электрондук коммерцияга адистешкен компаниялардын ортосундагы бизнес байланыштар уюштурулду.

Сүрөт:МТИ РК