Кара-Суу районунда пахтанын жогорку сорттору, жузумдун беш жаны сорту остурулет. Бул тууралуу Суу чарба министрлигинин басма сөз кызматы билдирди.

Ведомстводон билдиришкендей, министрлер кабинетинин төрагасынын орун басары – суу чарба, айыл чарба жана кайра иштетүү өнөр жай министри Бакыт Төрөбаев Ош облусуна болгон жумушчу сапарынын алкагында Кара-Суу районундагы бир катар айыл чарба үрөнчүлүк кооперативдеринин ишмердүүлүгү менен таанышып, жер-жерлерде жыйын өткөрдү.

Министр алгач гектарынан 75-90 центнерден түшүм алуу максатында 42,2 гектар аянтта тамчылатып сугаруу ыкмасы менен өстүрүлгөн пахтанын жогорку түшүмдүү сортунун өнүп чыгышын текшерип, тамчылатып сугаруунун артыкчылыктарын жергиликтүү дыйкандарга жайылтууну тапшырды. «Отуз-Адыр» мамлекеттик үрөнчүлүк ишканасынын жалпы аянты 245,0 га.

Быйылкы жылы 39,0 гектарга күздүк буудай, 22,0 гектарга күздүк арпа, 58,0 гектарга жүгөрү, 31,0 гектарга көп жылдык беде, 8,0 гектарга жашылча жана бакча өсүмдүктөрү эгилген. Андан соң министр Манас айыл аймагынын Кызыл-Мээнет айылындагы «Оомат Агро» айыл чарба үрөнчүлүк кооперативинде болуп, 3 гектар жерге 5 жаңы сорттогу жүзүм себилгенин көрдү.

Бул 5 сорттун жалпы баасы 1 миллион 200 миң сомдук 4500 түп көчөт Өзбекстандан алынып келинген. Тактап айтканда, 0,50 гектар аянтка «Ак Хусайын» сортунан 750 түп көчөт, 0,50 гектар жерге «Ак кишмиш» сортунан 750 түп, 0,50 гектар аянтка 750 түп «Кара кишмиш», 750 түп көчөт, 750 түп көчөт, 0,50 гектарга, «Ф-150» сортунан эгилген. 1,0 гектар жерге 1500 түп «Алатар» сортундагы көчөттөр өстүрүлүп жатат.

«Оомат Агро» үрөнчүлүк чарбасында жалпысынан 121,23 гектар сугат жери бар. Быйылкы жылы пахта 97,0 гектарга, күздүк буудай 16,0 гектарга, жүгөрү 5,23 гектарга, жүзүм 3,0 гектарга эгилген.

Иш-чаранын жыйынтыгында тамчылатып сугаруунун артыкчылыктарын дыйкандар арасында жайылтууга өзгөчө көңүл буруу, керектүү шарттарды түзүп, колдоо көрсөтүү боюнча мамлекеттик органдарга тиешелүү тапшырмалар берилип, бир катар чечимдер кабыл алынды.