Казакстандын Каржы рыногун жөнгө салуу жана өнүктүрүү агенттиги насыяларды берүү жана мөөнөтү өтүп кеткен карыздар менен иштөө боюнча жаңы эрежелерди киргизди. 2024-жылдын 20-августунан тартып банктарга жана микрофинансылык уюмдарга 90 күндөн ашык төлөнбөгөн кредиттер боюнча айыптык санкцияларды алууга тыюу салынат.

Мындан тышкары, июль айынын башынан тарта кошумча чаралар күчүнө кирди: банктарга жана микрофинансылык уюмдарга мөөнөтү өтүп кеткен кредиттерди инкассаторлорго которууга тыюу салынды. Бул эки жылдык мораторий кредиторлорду көйгөйлүү карыздарды өздөрү чечүүгө милдеттендирет. Кредиторлор карыз алуучуларга төлөмдүн жаңы графиги сыяктуу ылайыктуу төлөө шарттарын сунушташы керек, алар сотко кайрылбастан төлөп берүүгө жардам берет.