Рас ал-Хайма амирлигининг Савдо ва саноат департаменти раиси Mуҳаммад Ал-Мусаббеҳ Ал-Наимий амалий ташриф билан Тожикистонга келди.

Музокаралар якунида Тожикистон Республикаси Саноат ва янги технологиялар вазирлиги билан Меморандум имзоланди.

Ҳужжатда Тожикистон Республикасининг 2040 йилгача сунъий интеллектни ривожлантириш Миллий стратегияси асосида амирликнинг сунъий интеллект дастурларини ишлаб чиқиш кўзда тутилган. Хусусан, сунъий интеллектга асосланган тожик дастурий таъминотини Рас ал-Хайма амирлигига экспорт қилиш, шунингдек, СИ соҳасидаги амирлик мутахассисларининг малакасини ошириш режалаштирилган.

Меморандум, шунингдек, амирликнинг Тожикистон сунъий интеллектига асосланган финтех-ечимларига сармояларини ўз ичига олади.

Бундан ташқари, Рас ал-Хаймадан Тожикистон саноат секторига, шу жумладан тоғ – кон, ишлаб чиқариш ва транспорт логистикасига тўғридан-тўғри инвестицияларни йўналтириш режалаштирилган. Рас ал-Хайма порти орқали Тожикистондан товарларнинг глобал экспортини рағбатлантириш доирасида ҳамкорлик масаласи ишлаб чиқилмоқда.

Шуни таъкидлаш керакки, Тожикистон сунъий интеллект бўйича миллий стратегияни қабул қилган биринчи Марказий Осиё мамлакати бўлди. Ушбу қарорнинг ташаббускори Республика Президенти Имомали Раҳмон..

Маълумот учун: Рас ал-Хайма амирлиги Бирлашган Араб Амирликларининг бир қисми бўлган етти амирликдан биридир. Ушбу амирлик туризм, тоғ – кон саноати ва саноат ишлаб чиқаришининг жадал ўсиши билан жадал ривожланаётган иқтисодиётга эга.

Сурат: Тожикистон Республикаси Саноат ва янги технологиялар вазирлиги