2024 йил 13 июль куни Қирғизистон Республикаси Президенти Садир Жапаров Иссиқ-Кўл вилоятига ишчи сафарини амалга оширди. Ташриф давомида у “Каракол” халқаро аэропортига ташриф буюриб, учиш-қўниш йўлаги ва янги аэропорт биноси қурилиши динамикасини баҳолади.

Президентга соатига 250 йўловчига мўлжалланган мажмуа қурилиши яқин орада якунланиши ҳақида хабар берилди. Аэропорт майдони тахминан 8 минг квадрат метрни ташкил қилади.

Қирғизистон Республикаси Президентининг Ишлар бошқарувчиси Каныбек Туманбаевнинг айтишича, ушбу иншоот қурилиши шу йилнинг кузида якунланади, шундан сўнг объект фойдаланишга топширилади.

Лойиҳа сунъий учиш-қўниш йўлагини 400 метрга узайтиришни назарда тутади. Бу қисқа ва ўрта масофали маршрутларни бошқаришга мўлжалланган икки двигателли ўрта масофали тор корпусли йўловчи самолётларини қабул қилиш имконини беради.

Шунингдек, Садир Жапаров терминалнинг ички қисмини кўздан кечирди ва Каныбек Туманбаевга аэропорт қурилиши сифатини халқаро стандартлар ва хавфсизлик талабларига мувофиқ назорат қилишни буюрди.

Республика Президенти “Каракол” аэропорти хорижий мамлакатлардан сайёҳлар оқимини кўпайтиришини таъкидлади. 

Сурат: Қирғизистон Республикаси Президентининг матбуот хизмати