Өзбекстан құрамасының жеңіл атлетшілері Қазақстанда өткен «Астана жартылай марафоны» халықаралық жарысында үш күміс медаль жеңіп алды. Жартылай марафондық қашықтықта да, 10 шақырымдық жарыста да сәтті өнер көрсетті. Ерлер арасындағы жартылай марафонда Өзбекстан өкілдері екі рет жеңіс тұғырының екінші сатысына көтерілді. Нодирбек Мүтәліпов 1 сағат 6 минут 19 секунд нәтиже көрсетіп, күміс медальға қол жеткізді. Дәл осы түрдегі екінші күміс жүлдені Өзбекстан құрамасына Бекзод Байматов әкелді. Ерлер арасындағы жартылай марафонда украиналық Виталий Шафар жеңімпаз атанды. Өзбекстан құрамасының қоржынына тағы бір күміс медальді әйелдер арасындағы жартылай марафонда екінші орын алған Екатерина Тунгускова қосты. Сонымен қатар, ерлер арасында 10 шақырымдық жарыста Ділмұрад Ходжамов қола жүлдегер атанса, әйелдер арасында дәл осындай қашықтықта Мохинабону Комилова төртінші болып мәреге жетті.