МОСКВА, 13-июнь.Ирандын тышкы иштер министри Аббас Арахчи менен Норвегиянын тышкы иштер министри Аспен Барт Эйде Ослодо өтүп жаткан 22-эл аралык конференциянын алкагында Ооганстандагы окуяларды талкуулашты.

Ирандын Тышкы иштер министрлигинин билдирүүсүндө, эки өлкөнүн тышкы иштер министрлери жолугушууда эки тараптуу карым-катнаштар, аймактык окуялар жана эл аралык маселелер боюнча пикир алмашышты.

Билдирүүгө ылайык, тараптардын жолугушуусунда Иран менен АКШнын ортосундагы сүйлөшүүлөрдүн учурдагы абалы жана Ооганстандагы окуялар маанилүү тема болду.

Билдирүүдө эки жогорку даражалуу аткаминердин Ооганстан боюнча сүйлөшүүлөрүнүн чоо-жайы ачыкталган жок.

Норвегия талиптер менен тыгыз байланышы бар Батыш өлкөлөрүнүн бири. Ал өткөн жылы талиптерди Ослодогу конференцияга чакырган, бирок быйыл талип дипломаттарын жолугушууга чакыруудан баш тарткан.

Ушул жылдын башында Норвегия Талибан тарабынан Норвегиядагы Ооганстан элчилигинин биринчи катчысы болуп дайындалган Наджибулла Шер Хан аттуу талип дипломатын кабыл алган. Норвегиянын бул кадамы Европадагы жарандык активисттер менен демонстранттардын кеңири реакциясын жаратты.

Норвегия 2014-жылы Ослодо Амир Хан Муттаки башында турган талибдердин жогорку деңгээлдеги делегациясын кабыл алган биринчи Европа мамлекети болуп калды.

Норвегиянын Тышкы иштер министрлиги кийинчерээк аялдардын кордолушу уланып жатканы үчүн талиптер менен байланышын үзө турганын билдирди.

Сүрөт: Караван ААнын өнөктөштөрү