Шанхай Кызматташтык Уюмунун (ШКУ) иш-чараларынын алкагында Кыргыз Республикасынын Билим берүү министринин орун басары Альберт Махметкулов менен Кытай Эл Республикасынын илим жана технология министринин орун басары Чэн Чжиачангдын жолугушуусу болуп өттү.

Сүйлөшүүлөрдүн жүрүшүндө тараптар эки тараптуу кызматташуунун артыкчылыктуу багыттарын, ошондой эле илимий-техникалык чөйрөдөгү кызматташтыкты мындан ары кеңейтүү жолдорун талкуулашты. Чэн Цзячаң ШКУнун платформаларынын жана илим жана технология боюнча биргелешкен комиссиянын алкагында өнөктөштүк мамилелерди өнүктүрүүгө кызыкдар экенин билдирип, бул жаатта аймактык кызматташтыктын потенциалын баса белгиледи.

Альберт Махметкулов белгилегендей, Кыргызстан Кытай менен илим жана технология жаатында кызматташууну тышкы жана билим берүү саясатынын маанилүү багыттарынын бири катары карайт.

"Биз Кытайдын илимий изилдөөлөрдөгү, технологиялык инновациялардагы, санариптик трансформациядагы жетишкендиктерин жогору баалайбыз жана бул тармактарда биргелешкен иш үчүн күчтүү потенциалыбыз бар экенине ишенебиз" деди ал.

Жолугушуунун соңунда тараптар диалогдун жыйынтыктары илимди, техниканы өнүктүрүүгө жана эки өлкөнүн ортосундагы достук байланыштарды чыңдоого көмөктөшүүчү жаңы келишимдердин, академиялык алмашуулардын жана практикалык демилгелердин негизи болоруна ишеним билдиришти.

Маалымат үчүн:

Кыргызстан менен Кытайдын ортосунда төмөнкү демилгелер жана долбоорлор ишке ашырылууда:

• Илимий-техникалык кызматташтык боюнча биргелешкен комиссия түзүү жөнүндө протокол (2023-жылдын май айында кол коюлган);
• Ондогон университеттер аралык келишимдер жана академиялык алмашуулар;
• Биргелешкен билим берүү долбоорлору – Конфуций институттары, кош дипломдук программалар, Лу Бан семинарлары;
• Приоритеттүү багыттар боюнча адистерди даярдоо: шамал энергетикасы, санариптик инженерия, автоматташтыруу ж.б.;
• Стипендияларды берүү жаатындагы практикалык кызматташтык:
• СУАР өкмөтүнөн 25 грант;
• 2024–2025-жылдарга 100 квота;
• Цзинань шаарындагы университеттерде кыргызстандыктар үчүн 200 орун.

Бул кадамдар кадрларды сапаттуу даярдоого гана эмес, Кыргызстан менен Кытайдын элдеринин ортосундагы гуманитардык жана маданияттар аралык байланыштарды чыңдоого өбөлгө түзөт.