Кыргызстанда 93 баштапкы кесиптик билим берүү мекемеси бар, аларда 26 миңден ашык студент билим алат. 2024-2025-окуу жылынын жыйынтыгы боюнча лицейлерге 1-курска 16500 окуучу кабыл алынды – кабыл алуу планы 100%га аткарылды.

Билим берүү министрлигинин маалыматы боюнча, бүтүрүүчүлөрдүн 67%ы өз адистиги боюнча иш таап, 15%ы өз бизнесин ачышат. Кыска мөөнөттүү курстарды кошкондо 120дан ашык кесип боюнча окутуу жүргүзүлөт, аларды 12 миң адам аяктаган.

Лицейлердин 68%дан ашыгы дуалдык окутууну — окууну ишканаларда практикалык окуу менен айкалыштырууну киргизишти. Азыр 71 профессиялык-техникалык окуу жайы 170 ишкана менен кызматташып, алардын базасында 5 мицден ашык окуучу ендуруштук окуудан етушет. 2024-жылы алар биргелешип 83 миллион сомдон ашык киреше алышкан.

Ведомстводон билдиришкендей, Кыргызстан эл аралык сынактарга активдүү катышып келет: үч студент WorldSkills-2025 чемпионатынын дүйнөлүк финалына өттү. Ошондой эле Россия менен IT чөйрөсүндө кош дипломдук долбоор башталып, No99 лицейдин бүтүрүүчүлөрү Орусиянын колледждеринде билимин уланта алышат.

Баштапкы кесиптик билим берүү системасы активдүү түрдө санариптештирилүүдө:

• Электрондук кабыл алуу жана электрондук журналдар киргизилди;
• жумушсуздарды окутуу үчүн kesip.edu.gov.kg билим берүү порталы ишке киргизилди;
• 3600дөн ашык адам academy.inaqa.com онлайн платформасында курстарды аяктады.

Инфраструктура дагы өнүгүп жатат:

• Чүй районундагы №47 лицей оңдоп-түзөөдөн өткөрүлдү;
• Ош шаарында Next Generation Hub инновациялык борбору ачылды;
• Азия өнүктүрүү банкынын (АӨБ) долбоорунун алкагында 17 лицей модернизацияланды;
• Баткен облусунда кыздарды программалоону үйрөтүүчү ICT4Girls долбоору ишке ашырылууда.

Бишкек шаарында жана аймактарда көгүлтүр жумушту жайылтуу максатында жумуш орундарынын фестивалдары өткөрүлүп, лицейлер жана алардын мүмкүнчүлүктөрү тууралуу видео роликтер тартылып, жайгаштырылды.