2025-жылдын 17-июнунда Казакстандын президенти Касым-Жомарт Токаевдин чакыруусу менен Кыргызстандын президенти Садыр Жапаров Астанага иш сапары менен “Борбор Азия-Кытай” экинчи саммитине катышат. Бул тууралуу КР Президентинин Аппаратынын тышкы саясат бөлүмүнүн башчысы Сагынбек Абдумуталип билдирди.

Саммитке Борбор Азия мамлекеттеринин мамлекет башчылары, Кытай Эл Республикасынын төрагасы да катышаары күтүлүүдө.

Саммит Борбордук Азия өлкөлөрү менен Кытайдын ортосундагы өз ара аракеттенүүнүн бардык спектри боюнча пикир алмашуу максатын көздөйт.

Жумушчу сапарынын алкагында президент Садыр Жапаров Кытай Эл Республикасынын Төрагасы Си Цзиньпин менен да жолугушуу өткөрөт.