Бүткүл дүйнөлүк чөлгө айлануу жана кургакчылык менен күрөшүү күнү жыл сайын 17-июнда белгиленет.Бул күн БУУнун Башкы ассамблеясы тарабынан 1994-жылы 17-июнда Чөлгө каршы күрөшүү боюнча БУУнун Конвенциясынын кабыл алынышынын урматына 1994-жылы (49/115 резолюция) белгиленген.

Бул күндүн негизги максаты – чөлгө айлануу жана кургакчылык менен күрөшүүдө эл аралык кызматташтыктын зарылчылыгы жөнүндө маалымдуулукту жогорулатуу, ошондой эле Конвенциянын жоболорун ишке ашыруунун жүрүшү тууралуу маалымат берүү.

Чөлгө айлануу – биздин замандын эң олуттуу экологиялык көйгөйлөрүнүн бири. Жердин жер ресурстарынын 40%га жакыны бузулган деп эсептелинип, бир миллиарддан ашык адамдын ден соолугуна жана жашоосуна коркунуч туудурууда.

Бүткүл дүйнөлүк метеорологиялык уюмдун отчетуна ылайык, дүйнөлүк орточо жылдык температура өнөр жайга чейинки мезгилге (1850–1900) салыштырмалуу жакынкы беш жылда Цельсий боюнча 1,2—1,9 градуска жылуу болот. Бул кургакчылыктын, ысыктын, жаан-чачындын кескин көбөйүшүнө, мөңгүлөрдүн эришине жана деңиз деңгээлинин көтөрүлүшүнө алып келет.

2025-жылы Бүткүл дүйнөлүк чөлгө айлануу жана кургакчылык менен күрөшүү күнү "Жерди калыбына келтир. Жаңы мүмкүнчүлүктөрдү ач" деген теманын алдында 31-жолу белгиленет.

2024-жылы декабрда жарыяланган БУУнун конвенциясынын баяндамасында акыркы 30 жыл ичинде жер бетинин 77%дан ашыгы кургап кеткени аныкталган. Кургак жерлердин аянты 4,3 миллион чарчы километрден ашты, бул Индиянын үчтөн бир бөлүгүнө жакын. Бүгүнкү күндө планетанын бетинин 40% дан ашыгы кургак деп классификацияланган.

Бул жыйынтыктар жер ресурстарын сактоо жана туруктуу өнүгүүгө жетишүү үчүн тез жана координацияланган эл аралык аракеттердин зарылдыгын көрсөтүп турат.