Бишкекте Корея Республикасынын жана Борбор Азия өлкөлөрүнүн аналитикалык борборлорунун II форуму өттү. Кыргызстан, Казакстан, Тажикстан, Түркмөнстан, Өзбекстан жана Түштүк Кореянын эксперттерин, талдоочуларын жана мамлекеттик органдардын өкүлдөрүн чогулткан иш-чарада туруктуу өнүгүүгө жана ресурстар боюнча өнөктөштүккө басым жасалды.

Кореянын Геология жана минералдык ресурстар институтунун Минералдык ресурстар департаментинин башкы геофизиги Чо Сонг Жун өз сөзүндө жаратылыш ресурстары жаатындагы өз ара аракеттенүү кызматташтыктын эң актуалдуу жана келечектүү багыты экенин белгиледи.

Ал үч артыкчылыктуу кадамдарды сунуштады:

1. минералдык ресурстарды чалгындоодон баштап жогорку кошумча нарк менен продукцияны өндүрүүгө чейинки толук циклди камтыган жалпыазиялык илим жана изилдөө борборун түзүү;
2. Логистикалык стратегияны биргелешип иштеп чыгуу, анткени транспорттук чыгымдардын жогору болушу тармакты өнүктүрүү үчүн олуттуу тоскоолдук бойдон калууда;
3. Региондогу газ өндүрүүчү өлкөлөрдө суутек энергетикасын өнүктүрүү. Чо көгүлтүр водородду өндүрүү жана түгөнгөн талааларда сактоо үчүн көмүр кычкыл газын алуу мүмкүнчүлүгүн белгиледи.

Кыргызстан боюнча ал 2024-жылы анын институту менен КР Жаратылыш ресурстар министрлигинин ортосунда кызматташуу боюнча меморандумга кол коюлганын, бирок азырынча практикалык кадамдар жасала электигин эске салды.

«Меморандум биргелешкен геологиялык чалгындоо иштерин жүргүзүүнү карайт жана ал жигердүү практикалык ишке ашыруу үчүн негиз болот деп күтөбүз», – деп белгиледи ал.

Кошумчалай кетсек, Чо институт Өзбекстан менен геологиялык маалыматтарды санариптештирүү боюнча иш алып барып жатканын жана Чыгыш Казакстандагы кендерди изилдөөнү пландап жатканын билдирди.

Иш-чара Корея менен Борбордук Азия өлкөлөрүнүн ортосундагы илимий изилдөөлөрдү жана технологиялык кызматташтыкты тереңдетүү үчүн дагы бир аянтча болуп калды.