2024-жылы жакырчылыктын деңгээли 25,7 пайызды түзүп, 2023-жылга салыштырмалуу 4,1 пайыздык пунктка кыскарганын Улуттук статистикалык комитет билдирди.

Жалпы жакырчылыктын чеги 2024-жылы киши башына жылына 65 417 сомду, өтө жакырчылык 41 349 сомду түздү.

2024-жылы 1 миллион 871 миң адам жакырчылыктын чегинде жашаса, анын дээрлик 62 пайызы айыл жеринин тургундары болгон.

2024-жылы республиканын бардык аймактарында жакырчылыктын деңгээли өткөн жылга салыштырмалуу төмөндөгөн. Алсак, жакырчылыктын деңгээли Чүй облусунда 4,9 пайыздык пунктка, Баткенде – 4,1, Таласта – 3,3, Жалал-Абадда – 3,2 пайыздык пунктка, Ысык-Көл жана Нарын облустарында тиешелүүлүгүнө жараша 2,6 жана 2,1 пайыздык пунктка кыскарган. Жакырчылыктын деңгээлинин олуттуу төмөндөшү Бишкек шаарында да – 9,0 пайыздык пунктка жана Ош шаарында – 6,3 пайыздык пунктка белгиленген.