АКШ президенти Дональд Трамптын администрациясы жарандарына АКШга кирүүгө тыюу салынган мамлекеттердин тизмесине дагы 36 өлкөнү, анын ичинде Кыргызстанды да кошууну көздөп жатканын 14-июнда The Washington Post гезити жазды.

"Кошмо Штаттар дагы 36 өлкөнүн жарандарынын кирүүсүнө чектөө киргизүүнү карап жатат, бул Трамп администрациясы ушул айдын башында жарыялаган саякатка тыюу салууну бир топ кеңейтет", – деп түшүндүрөт басылма Мамлекеттик департаменттин кызматкерлерине арналган ички эскертмеге шилтеме берүү менен.

Нотага мамлекеттик катчы Марк Рубио өзү кол койгону белгиленген. Документ 14-июнда аталган өлкөлөр менен иштеген америкалык дипломаттарга жөнөтүлгөн. Нотада Кошмо Штаттар Мамлекеттик департаменттин жаңы талаптарын аткаруу үчүн өлкөлөргө 60 күн бергени түшүндүрүлөт. Ал ошондой эле Ак үйдүн айтымында, өлкөлөр аткара элек көрсөткүчтөрдү аныктайт.

Атап айтканда, кээ бир өлкөлөрдө "ишенимдүү инсандыкты же башка жарандык документтерди бере турган компетенттүү борбордук бийлик органдары жок" же "кеңири жайылган мамлекеттик алдамчылыктан" жапа чеккен.

Бул 36 өлкөгө документ жүгүртүүгө, миграцияны көзөмөлдөөгө жана мыйзамсыз эмиграцияга бөгөт коюуга байланыштуу аныкталган мыйзам бузууларды оңдоо үчүн 60 күндүк мөөнөт берилди.

Жаңыланган тизмеге Египет жана Жибути сыяктуу Африканын 25 өлкөсү, ошондой эле Кариб деңизиндеги жана Тынч океандагы бир нече арал өлкөлөрү да кирери айтылат. Тизмеге төмөнкү өлкөлөр кирет: Ангола, Антигуа жана Барбуда, Бенин, Бутан, Буркина-Фасо, Кабо-Верде, Камбоджа, Камерун, Кот-д'Ивуар, Конго Демократиялык Республикасы, Жибути, Доминика, Эфиопия, Египет, Габон, Гамбия, Гана, Кыргызстан, Габон, Гамбия, Гана, Кыргызстан, Мала, Нийгер, Либер, Китс жана Невис, Сент-Люсия, Сан-Томе жана Принсипи, Сенегал, Түштүк Судан, Сирия, Танзания, Тонга, Тувалу, Уганда, Вануату, Замбия жана Зимбабве.