МОСКВА, 20-июнь, «Караван инфо» агентствосу.19-июнда эртең менен Орусиянын президенти Владимир Путин Санкт-Петербургдагы эл аралык экономикалык форумда эл аралык маалымат агенттиктеринин жетекчилери менен жолугушууда Украинанын президенти Владимир Зеленский менен жолугушуу мүмкүнчүлүгүн жокко чыгарбасын билдирди.

Мен баары менен, анын ичинде Зеленский менен жолугушууга даярмын
— деп баса белгиледи Путин.

Бирок ал кошумчалагандай, Украинанын конституциясына ылайык, президенттин ыйгарым укуктары согуш абалында да автоматтык түрдө узартылбайт жана бул мүмкүн болгон келишимдерге кол коюунун легитимдүүлүгүнө шек туудурат.

Мага азыркы режимдин башчысы болсо да, ким сүйлөшүүлөрдү жүргүзүп жатканы кызыктырбайт. Бирок олуттуу маселелерди чечип жаткан болсок, анда колду мыйзамдуу бийлик коюш керек. Болбосо кийинкиси келип баарын таштандыга ыргытат.
— деди орус лидери.

Ошондой эле Орусия менен Украинанын сүйлөшүү топтору 22-июндан кийинки жолугушууну талкуулап жатканы белгилүү болду.

Сүрөт: Ачык булактар