26-27 маусымда Беларусь Республикасының Президенті Александр Лукашенконың шақыруымен Қырғызстан Президенті Садыр Жапаров Жоғары Еуразиялық экономикалық кеңестің кезекті отырысына және IV Еуразиялық экономикалық форумға қатысу үшін Минск қаласына жұмыс сапарымен барады. Бұл туралы Қырғыз Республикасы Президенті Әкімшілігінің Сыртқы саясат бөлімінің меңгерушісі Сағынбек Абдумуталип хабарлады.

«Отырысқа Еуразиялық экономикалық одаққа мүше мемлекеттердің мемлекет басшылары мен Одаққа бақылаушы мемлекеттердің басшылары, сондай-ақ шақырылған құрметті қонақтар қатысады деп жоспарлануда.

«Жоғарғы кеңестің күн тәртібінде қаралатын 14 мәселе бар», — деді Сағынбек Әбдімүтәліп.