Чүй облусунун Ысык-Ата районунда жайгашкан Tomato KG үрөнчүлүк чарбасында жогорку түшүмдүү айыл чарба өсүмдүктөрүн айдоо иштери башталды.

Учурда төмөнкү өсүмдүктөр себилип жатат:

• таттуу калемпир – 0,25 га
• Ачуу калемпир – 0,25 га
• Түстүү капуста (кызыл, сары, жашыл сорттору) – 0,8 га
• Брокколи – 0,75 га

Бул жашылчалар экспортко жарактуу, азыктык баалуулугу жогору жана базар баасы туруктуу болгондуктан, дыйкандар үчүн пайдалуу продукт болуп саналат.

Айыл чарба өсүмдүктөрүн жана жашылча-жемиштерди экспертизалоо департаменти өлкөнүн башка аймактарынан келген дыйкандарга да бул жогорку түшүмдүү жашылча-жемиштерди өстүрүүнү сунуштайт. Бул демилге айыл чарбасын диверсификациялоо, жергиликтүү өндүрүштү өнүктүрүү жана дыйкандардын кирешесин жогорулатууга багытталган.

Айыл чарба есумдуктерун туура тандоо жана аны агротехникалык талапка ылайык остуруу — чарбалык ийгиликтин залогу. Буга байланыштуу фермерлерге заманбап технологияларды колдонуу менен инновациялык айыл чарба тажрыйбаларын өздөштүрүү сунушталат.