«Урматтуу юристтер жана юридикалык коомчулуктун өкүлдөрү!

Сиздерди бүгүнкү кесиптик майрамыңыздар менен куттуктайм!

Адвокатура коомдогу коомдук тартипти жана адилеттүүлүктү камсыз кылуунун фундаменталдуу негизи болуп саналат. Адвокаттардын тынымсыз жана күжүрмөн эмгегинин аркасында жарандардын укуктары менен эркиндиктерин коргоо күн сайын камсыздалып, коомдун укуктук маданияты жогорулап, жарандардын мамлекеттик институттарга болгон ишеними бекемделүүдө.

Юрист кесиби өз ээлеринен жогорку квалификацияны гана эмес, ошондой эле жогорку жоопкерчиликти, асыл жеке сапаттарды жана кесиптик милдетине берилгендикти талап кылат.

Сиз кабыл алган ар бир чечим сизден мыйзамды так сактоону, гумандуу жана моралдык принциптерди сактоону, кырдаалга карабастан адилеттүүлүктү коргоону талап кылат.

Сизге кыргыз мамлекетинин өнүгүшүнө кошкон баа жеткис салымыңыз, үзүрлүү эмгегиңиз жана Кыргызстандын элинин жыргалчылыгы үчүн кызмат кылганыңыз үчүн ыраазычылык билдирем.

Сиздерге жана үй-бүлөңүздөргө чың ден соолук, бакубатчылык, ишиңизде жана жеке жашооңузда туруктуулук каалайм. Мыйзам алдындагы кызматыңыз чындап татыктуу жана ийгиликтүү болсун!

Кесиптик майрамыңыздар – Юрист күнү менен!”