2025-yilda Seulda boʻlib oʻtishi kerak boʻlgan Markaziy Osiyo davlatlari va Koreya Respublikasi oʻrtasidagi birinchi sammit rasman 2026-yilga koʻchirildi, deb xabar qildi Janubiy Koreyaning Yonhap axborot agentligi. Maʼlumotni Janubiy Koreya tashqi ishlar vazirining birinchi oʻrinbosari Pak Yun Ju parlamentning xalqaro ishlar boʻyicha qoʻmitasi yigʻilishida tasdiqladi.

Uchrashuvni keyinga qoldirish sabablari orasida Janubiy Koreyaning sobiq prezidenti Yun Seok Yelning mamlakatda harbiy holat joriy etishga urinishi ortidan siyosiy inqiroz keltirib chiqargan ichki siyosiy o‘zgarishlar ham bor.

«Barcha sharoitlarni, jumladan, joriy ichki kun tartibini tahlil qilib, sammitni bu yil o‘tkazish qiyin bo‘lib chiqdi.", – dedi Park Yun-ju.

Eslatib oʻtamiz, 2023-yil iyun oyida Janubiy Koreya prezidentining Markaziy Osiyo mamlakatlariga tashrifi chogʻida 2025-yilda Seulda birinchi davlatlararo sammitni oʻtkazish boʻyicha kelishuvga erishilgan edi.

Endi tarixiy uchrashuv bir yilga qoldirildi, biroq har ikki tomon ham sammit bo‘lib o‘tishi va Markaziy Osiyo va Janubiy Koreya o‘rtasidagi hamkorlikni chuqurlashtirish yo‘lidagi muhim qadam bo‘lishiga ishonch bildirmoqda.