Алматы, 1-июль, 2025-жыл – Караван Инфо маалымат агенттиги.Алматыда Радиоэлектроника жана байланыш Аскердик-инженердик институтунун аскер кызматкерлери жана курсанттары Алмалы районунун коргоо бөлүмүнүн өкүлдөрү менен бирге Улуу Ата Мекендик согуштун ардагери Екатерина Александровна Баранованы 100 жылдыгы менен куттукташты.

Жолугушуу жылуу, чын ыкластуу кырдаалда етту. Аскер кызматкерлери ардагерге куттуктоо дарегин, гүлдөрдү жана эстелик белектерди тапшырышты. Аскердик дирижёрлук адистиктин курсанттары туулган кызга согуш жылдарындагы ырларды аткарышты, аны Екатерина Александровна кубануу менен ырдады.

Екатерина Александровна Курск облусунда туулган. Жети классты аяктагандан кийин Старооскольск медициналык техникумуна тапшырып, фельдшердик кесипти үйрөнгөн. 1943-жылы, аймак немец-венгер аскерлеринен бошотулгандан кийин, ал армияга чакырылып, 1-Украина фронтунун госпиталына кызмат кылууга жөнөтүлгөн. 1945-жылдын аягына чейин ал жарадар болгон жоокерлерге жан аябастык менен кам көрүп, укмуштуудай кайраттуулукту жана боорукердикти көрсөткөн.

Екатерина Баранова жецишти Карловы Вары шаарында (Чехословакия) белгиледи. Аскердик сиңирген эмгеги үчүн 2-даражадагы Ата Мекендик согуш ордени, «Аскердик кызматы үчүн», «Германияны жеңгендиги үчүн», «Праганы бошоткондугу үчүн» медалдары, ошондой эле көптөгөн юбилейлик сыйлыктар менен сыйланган.

Согуштан кийинки жылдарда Екатерина Александровна ооруканада, андан кийин Министрлер Советинин ооруканасында иштеген. Жаш курагына карабай, ал өзүнүн кайраттуулугун жана жашоого болгон сүйүүсүн сактап келет. Жаш Ата Мекенди коргоочулардын көңүлүн жана камкордугун зор кубаныч менен кабыл алды.

Сүрөт:МО РК