АСТАНА, 2-июль – «Караван Инфо» МА.Казакстанда биринчи жолу пренаталдык медицина тармагында олуттуу жыйынтыкка жетишилди: түйүлдүктүн тубаса жүрөк кемтигинин 74% азыр төрөлгөнгө чейин аныкталды. Мындай прогресс дарыгерлерге баланын жашоосунун алгачкы күндөрүндө дароо кийлигишип, дени сак келечекке мүмкүнчүлүк берет.

Бул Республикалык түйүлдүктү коргоо борборунун жана Казакстан Республикасынын Саламаттык сактоо министрлигинин колдоосу менен университеттин Медициналык борбор фондунун жүрөк борборунун аракетинин аркасында жетишилди. Жаңыланган диагностикалык стандарттар, жүрөктү текшерүүнүн кеңейтилген УЗИ протоколу киргизилип, өлкөнүн бардык аймактарынан дарыгерлерди окутуу башталды.

2024-жылдан бери мамлекеттик программанын алкагында Россиядан жана Европадан келген адистердин катышуусунда түйүлдүктүн эхокардиографиясы боюнча мастер-класстар өткөрүлүп келет. 2025-жылдын июнь айында Астанада II Эл аралык конгресс өтүп, анда пренаталдык диагностиканы өнүктүрүүнү улантуу чечими кабыл алынган.

Адистердин биргелешкен иши бизди негизги максатка — ар бир баланын жүрөгүн анын биринчи согуусуна чейин сактап калууга жакындатат.

Ачык булактардан алынган сүрөт