2025 жылдың 30 маусымы мен 2 шілдесі аралығында Шэньси провинциясы қоғамдық қауіпсіздік департаменті басшысының тұрақты орынбасары Ян Шаньвэй бастаған Қытай Халық Республикасы Қоғамдық қауіпсіздік министрлігінің делегациясы Қырғыз Республикасында ресми сапармен жүр. Бұл туралы департаменттің баспасөз қызметі хабарлады.

Сапар аясында 1 шілдеде Қырғыз Республикасы Ішкі істер министрінің орынбасары Октябрь Урмамбетов пен Ян Шанвэй мырзаның кездесуі өтті.

Тараптар екіжақты ынтымақтастықты нығайтудың және екі елдің құқық қорғау органдары арасында тәжірибе алмасудың өзекті мәселелерін талқылады.

Қоғамдық тәртіпті сақтау, қылмыстың алдын алу және қызметкерлердің кәсіби дайындығын арттыру саласындағы ынтымақтастықты кеңейту перспективаларына ерекше назар аударылды.

Кездесу қорытындысы бойынша тараптар сындарлы диалогты жалғастыруға және өзара құрмет пен сенім қағидаттарына негізделген серіктестікті нығайтуға дайын екендіктерін білдірді.