2025-жылдын 30-июнунан 2-июлуна чейин Шэньси провинциясынын Коомдук коопсуздук департаментинин башчысынын туруктуу орун басары Ян Шанвэй башында турган Кытай Эл Республикасынын Коомдук коопсуздук министрлигинин делегациясы Кыргыз Республикасында расмий иш сапары менен жүрөт. Бул тууралуу аталган башкармалыктын басма сөз кызматы билдирди.

Иш сапардын алкагында 1-июлда Кыргыз Республикасынын Ички иштер министринин орун басары Октябрь Урмамбетов менен Ян Шанвэй мырзанын жолугушуусу болуп өттү.

Тараптар эки тараптуу кызматташтыкты бекемдөө жана эки өлкөнүн укук коргоо органдарынын ортосунда тажрыйба алмашуунун актуалдуу маселелерин талкуулашты.

Коомдук тартипти сактоо, кылмыштуулуктун алдын алуу жана кызматкерлердин кесиптик даярдыгын жогорулатуу жаатында кызматташууну кеңейтүүнүн келечегине өзгөчө көңүл бурулду.

Жолугушуунун жыйынтыгында тараптар конструктивдүү диалогду улантууга жана өз ара урматтоо жана ишеним принциптерине негизделген өнөктөштүктү бекемдөөгө даяр экендиктерин билдиришти.