MARKAZIY OSIYO, 2025-yil 12-iyul – Karavan Info axborot agentligi.Tolibon Sanoat va savdo vaziri Nuruddin Aziziy Qozog‘iston Bosh vaziri o‘rinbosari va Tashqi ishlar vaziri Murat Nurtleu bilan ikki davlat o‘rtasidagi savdo-iqtisodiy aloqalarni kengaytirishni muhokama qildi.

Tolibonning Sanoat va savdo vazirligining ma’lum qilishicha, uchrashuv chog‘ida tomonlar o‘zaro savdo hajmini 3 milliard dollarga oshirishga kelishib olgan.

Juma (11-iyul) kuni e’lon qilingan bayonotda hamkorlik faqat qishloq xo‘jaligi mahsulotlarini eksport qilish bilan cheklanmasligi, sanoat mahsulotlari va texnologiyalariga alohida e’tibor qaratilishi ta’kidlangan.

Tolibon Savdo vazirligi maʼlumotlariga koʻra, tomonlar avtomobil va temir yoʻl transporti boʻyicha qoʻshma kompaniyalar tashkil etish, shuningdek, afgʻon tadbirkorlari uchun viza tartibini soddalashtirishga ham kelishib olgan.

Bundan tashqari, Qozogʻiston bosh vaziri oʻrinbosari 100 nafar afgʻonistonlik talaba uchun kasb-hunar oʻrgatishga tayyorligini maʼlum qildi.

Shuningdek, u Qozog‘iston Afg‘onistonga bir million dollar gumanitar yordam ajratganini ma’lum qildi.

Foto: IA Karavan Info hamkorlari