MARKAZIY OSIYO, 2025-yil 13-iyul – Karavan Info axborot agentligi.Bir guruh pensionerlar Tolibon hukumati rahbariyati ularning qonuniy talablarini e’tiborsiz qoldirayotganini iddao qilib, Kobulda nafaqalar to‘lanmagani uchun yangi norozilik namoyishini o‘tkazdi.

Shanba (12-iyul) kuni bo‘lib o‘tgan mitingda ishtirokchilar haq to‘lanmaguncha namoyishlarni davom ettirishlarini aytishgan.

Nafaqadagi Abdul Hakim o‘zi va safdoshlari nafaqaga juda muhtoj ekanini aytdi.

“Biz Amirlikning oliy rahbariga haqiqiy musulmon sifatida shaxsan aralashib, qonuniy talablarimizni qondirishni soʻraymiz”, – dedi u.

Pensionerlar uch yildan beri muntazam ravishda Kobul ko‘chalariga chiqib keladi. Ammo Tolibon rasmiylarining aytishicha, har bir nafaqaxo‘r o‘zining to‘lov huquqini tasdiqlash uchun “maxsus sud”ga murojaat qilishi kerak.

Avvalroq “Tolibon” Moliya vazirligi harakat yetakchisi Haybatulloh buyrug‘i bilan pensiya to‘lovlari tiklanishi kerakligi haqida xabar bergan edi, biroq pensionerlarning o‘ziga ko‘ra, tegishli idoralar bu masalaga e’tibor bermaslikda davom etmoqda.

Foto: “Karavan info” axborot agentligi hamkorlari