Москва, 14-июль, 2025-жыл – Караван инфо маалымат агенттиги.Бириккен Араб Эмираттары Американын рыногун стратегиялык маанилүү актив катары карап, АКШнын энергетика тармагындагы катышуусун күчөтүүдө.

Эл аралык XRG платформасы аркылуу Adnoc мамлекеттик компаниясынын алдында 2035-жылга чейин көлөмү жылына 25 миллион тоннага чейин суюлтулган жаратылыш газы (СТГ) тармагында кубаттуу портфелди түзүү пландаштырылууда.

Узак мөөнөттүү планына ылайык, Adnoc жакынкы он жылдын ичинде АКШнын энергетикалык активдерин жалпы наркы 440 миллиард долларга чейин өстүрүүнү көздөйт.

Инвестициялар LNGден тышкары жогорку технологиялуу химиялык заттарга, инфраструктурага жана кайра жаралуучу энергияга жайылат. Adnoc буга чейин Техастагы ири Rio Grande LNG долбооруна катышкан, ал эми Мубадала эгемендик фонду Луизианада активдүү.

Бул Дональд Трамптын Перс булуңундагы өлкөлөргө жасаган сапары учурунда жарыяланган Эмираттын АКШ экономикасына 1,4 триллион долларга чейин инвестиция салуу боюнча глобалдык милдеттенмесинин бир бөлүгү. Ошол эле учурда Масдар энергетикалык компаниясы АКШда 5,5 ГВт кубаттуулукка жеткен "жашыл" багытты иштеп чыгууда.

Ошентип БАЭ америкалык энергетиканын эң ири инвестору гана эмес, ошондой эле 21-кылымдын энергетикалык трансформациясынын глобалдык архитектору болуп калды.

Жаңы эле Европарламент БАЭди арам акчаны адалдоо боюнча “серый тизмеден” чыгарганы белгилүү болду.

Европарламент 10 жаңы юрисдикцияны кошуп, БАЭ, Барбадос, Гибралтар жана Ямайка сыяктуу сегиз өлкөнү алып салуу менен акчаны адалдоо коркунучу бар өлкөлөрдүн жаңыланган тизмесин бекитти.

Орусияны депутаттар да талкуулашты: гезиттин маалыматына караганда, өткөн аптада өткөн угууларда Европарламенттин көпчүлүк депутаттары аны “серый тизмеге” киргизүүнү колдошкон, бирок Еврокомиссия бул маселеге жылдын аягына чейин кайрылып келүүнү убада кылган.

Сүрөт: ntdtv видеосунан скриншот