Қозоғистонда биринчи марта ҳомилада сийдик тизимининг туғма нуқсонини тузатиш учун интраутерин операция ўтказилди. Операция UMC клиникаси қошидаги оналик ва болалик Миллий илмий марказида хорижий мутахассислар иштирокидаги мастер-класс доирасида бўлиб ўтди.

Ҳомиладорликнинг 19-ҳафтасида аёлда ҳомила ривожланишида юзага келадиган етишмовчиликлар ташхиси қўйилган. Пренатал кенгаш ўпка гипоплазиясининг олдини олиш ва туғилмаган болада буйракнинг нормал ишлашини таъминлаш учун бачадон ичида ҳомила сийдик пуфагининг дренажини ўтказишга қарор қилди.

Операция муваффақиятли ўтди, беморнинг аҳволи барқарор ва ҳомила ривожланишини кейинги мониторинг қилиш режалаштирилган.